Në kuadër të projektit BorderForce, në datat 12–14 nëntor 2024, në Vjenë u zhvillua takimi “BORDERFORCE KICK-OFF MEETING 12TH-14TH NOVEMBER 2024”, i cili shënoi nisjen zyrtare të këtij projekti të rëndësishëm europian. Në aktivitet morën pjesë 17 partnerë nga 13 vende të ndryshme, përfaqësues nga kompani private, organizata kërkimore dhe autoritete publike.

Projekti BorderForce ka për qëllim krijimin e një sistemi fleksibël për zgjerimin e survejimit të kufijve, duke rritur ndërgjegjësimin situacional dhe aftësinë për t’u përshtatur ndaj kohërave të pasigurta dhe ngjarjeve të paparashikuara. Synimi kryesor është zhvillimi i teknologjive për menaxhimin e kufijve, të shoqëruara me vlerësime të plota në aspektin etik, ligjor dhe social, duke garantuar mbrojtjen e të drejtave themelore.

Drejtoria e Përgjithshme Detare mori pjesë në këtë takim si autoritet përdorues (end-user), duke kontribuar në fazat e testimit dhe vlerësimit të platformës. Projekti BorderForce financohet nga programi i kërkimit dhe inovacionit i Bashkimit Europian Horizon Europe, nën Grant Agreement nr. 101168316.