Njoftimi “ Lëshimi i Çertifikatës së Regjistrimit të anijes “

Njoftimi “ Lëshimi i Çertifikatës së Regjistrimit të anijes “

Në mbështetje të Ligjit Nr.9251 datë 08.07.2004 “ Kodi Detar i Republikës së Shqipërisë “ i ndryshuar, Ligjit Nr.10109 datë 02.04.2009 “ Për Administratën Detare të Republikës Shqipërisë “, VKM –së Nr. 462 datë 09.07.2014 “ Rregullore për regjistrimin e mjeteve lundruese “, Udhëzimit të përbashkët Nr.1289/1 datë 04/05/2021 të MIE; atij me Nr.18307/4 datë 21/05/2021 të MFE “ Për përcaktimin e tarifave të regjistrimit të Mjeteve Lundruese “ botuar në Fletoren Zyrtare Nr. 103 datë 29.06.2021 Drejtoria e Përgjithshme Detare ( DPD ) njofton se: Të gjithë subjektet ( individë/shoqëri ) vendase apo të huaj rezidentë në vendin tonë, që kanë në zotërim anije/mjete lundruese mbi 15 ml, të regjistruara dhe të paisura me Dëshmi Pronësie dhe Dëshmi Flamuri, do ti zëvendësojnë ato me “ ÇERTIFIKATË REGJISTRIMI “. Për informacione të mëtejshme lidhur me proҫedurën që duhet ndjekur për sa më sipër mund të kontaktoni me Sektorin e Regjistrimit të Mjeteve Lundruese dhe Detarëve pranë DPD-së në adresën email:

1. info@dpdetare.gov.al
2. Hamdi.Domi@dpdetare.gov.a

Njoftim

Njoftim mbi hyrjen në fuqi të Udhëzimit Nr.2, datë 05.05.2021 për “Kriteret e Kualifikimit dhe Kategoritë e Drejtimit të mjeteve Lundruese në Republikën e Shqipërisë”

Drejtoria e Përgjithshme Detare ju njofton se është miratuar dhe është botuar në fletoren zyrtare nr.75, viti 2021, Udhëzimi Nr.2, datë 05.05.2021 për “Kriteret e Kualifikimit dhe Kategoritë e Drejtimit të mjeteve Lundruese në Republikën e Shqipërisë”. Ky udhëzim ka si qëllim të rregullojë procedurat e trajnimit dhe testimit të kandidatëve për t’u pajisur me dëshmi aftësie për
drejtimin e mjeteve lundruese për qëllime turistike dhe argëtim sipas kategorive dhe zonave të lundrimit. Qendrat e Trajnimit duhet të plotësojnë kriteret teknike dhe profesionale të përcaktuara në këtë udhëzim. Me qëllim zbatimin e Udhëzimit Nr.2, datë 05.05.2021 për “Kriteret e Kualifikimit dhe Kategoritë e Drejtimit të mjeteve Lundruese në Republikën e Shqipërisë”, Drejtoria e Përgjithshme Detare do të auditojë Qendrat e Trajnimit për të verifikuar plotësimit e kritereve të përcaktuara në udhëzim. Për këtë arsye kërkohet nga ana juaj marja e masave të nevojshme në lidhje me plotësimin e kritereve të vecanta në varësi të llojit të trajnimeve që do të organizoni. Secila nga Qendrat e Trajnimi, e cila mendon se plotëson kriteret e përcaktuara në këtë udhëzim në varësi të kategorive trajnuese, të paraqesë të gjithë dokumentacionin e nevojshëm pranë institucionit tonë duke filluar që prej datës 01/07/2021 – 02/08/2021, shoqëruar me një kërkesë ku të specifikohet lloji/et i/e trajnimit që do të aplikojë. Drejtoria e Përgjithshme Detare pas dorëzimit nga Qendra e Trajnimit të dokumenteve të përcaktuara në nenin 6, të udhëzimit, ka afat 30 ditë për të kryer verifikimet e nevojshme mbi plotësimin e kritereve teknike dhe profesionale të Qendrës së Trajnimit për të ushtruar veprimtarinë sipas përcaktimeve të licencës.

•UDHËZIM Nr. 2, datë 5.5.2021 PËR KRITERET E KUALIFIKIMIT DHE KATEGORITË E DREJTIMIT TË MJETEVE LUNDRUESE NË REPUBLIKËN E SHQIPËRISË;